Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 42.20 | Dem. 42.23 (English) | >>Dem. 42.26 |
42.22καίτοι ὁ μὲν ἐμὸς πατὴρ πέντε καὶ τετταράκοντα μνῶν μόνων ἑκατέρῳ , ἐμοὶ καὶ τῷ ἀδελφῷ , τὴν οὐσίαν κατέλιπεν , ἀφʼ ἧς ζῆν οὐ ῥᾴδιόν ἐστιν · οἱ δὲ σοὶ πατέρες τοσούτων ἦσαν κύριοι χρημάτων , ὥσθʼ ἑκατέρου τρίπους ἀνάκειται , νικησάντων αὐτῶν Διονύσια χορηγούντων . καὶ οὐ φθονῶ · δεῖ γὰρ τοὺς εὐπόρους χρησίμους αὑτοὺς παρέχειν τοῖς πολίταις . σὺ τοίνυν δεῖξον χαλκοῦν ἕνα μόνον εἰς τὴν πόλιν ἀνηλωκώς , ὁ τὰς δύο λῃτουργούσας οὐσίας παρειληφώς .
42.23ἀλλʼ οὐ δείξεις · ἀποκρύπτεσθαι γὰρ καὶ διαδύεσθαι καὶ πάντα ποιεῖν ἐξ ὧν μὴ λῃτουργήσεις τουτοισὶ μεμάθηκας . ἀλλʼ ἐγὼ δείξω πόλλʼ ἀνηλωκώς , ὁ τὴν μικρὰν οὐσίαν παραλαβὼν παρὰ τοῦ πατρός . πρῶτον δέ μοι τὸν νόμον ἐκεῖνον ἀνάγνωθι τὸν οὐκ ἐῶντα τῶν ἐν τοῖς ἔργοις οὐδὲν ἀποφαίνειν καὶ τὴν πρόκλησιν , ἔπειτα τὰς μαρτυρίας ὡς δύʼ οἴκων λῃτουργούντων οὑτοσὶ Φαίνιππος κεκληρονόμηκεν .ἓν μόνον ἄν τις ἔχοι δεῖξαι τουτονὶ Φαίνιππον πεφιλοτιμημένον εἰς ὑμᾶς , ἄνδρες δικασταί · ἱπποτρόφος ἀγαθός ἐστιν καὶ φιλότιμος , ἅτε νέος καὶ πλούσιος καὶ ἰσχυρὸς ὤν . τί τούτου μέγα σημεῖον ; ἀποδόμενος τὸν πολεμιστήριον ἵππον καταβέβηκεν ἀπὸ τῶν ἵππων , καὶ ἀντʼ ἐκείνου ὄχημʼ αὑτῷ τηλικοῦτος ὢν ἐώνηται , ἵνα μὴ πεζῇ πορεύηται · τοσαύτης οὗτος τρυφῆς ἐστι μεστός . καὶ τοῦτʼ ἀπογέγραφέν μοι , τῶν δὲ κριθῶν καὶ τοῦ οἴνου καὶ τῶν ἄλλων τῶν ἐκ τῆς ἐσχατιᾶς γιγνομένων οὐδὲ τὸ δέκατον μέρος .
Νόμος
Πρόκλησις
Μαρτυρίαι
42.24
Demosthenes, Speeches (XML Header) [genre: prose; rhetoric] [word count] [lemma count] [Dem.]. | ||
<<Dem. 42.20 | Dem. 42.23 (English) | >>Dem. 42.26 |